0910 鳥取駅
0932 鳥取砂丘
鳥取砂丘パラグライダー
1030 砂の美術館
1254 鳥取駅
1454 姫路
1524 新大阪
1530 大阪
ホテルビスタプレミオ 堂島
話咁快，到了山陽山陰的最後一天。其實山陽山陰真的太多景點，奈何，如一般打工仔，無咁多假去多幾個地方...
由於打風，在香港已經send email cancel 左個滑翔傘。唉，鬼知今日會好天既咩....不過算了吧，無得玩也可以享受下個砂丘~
一早起來，去了MOS食早餐。在那裡遇到這個family。那兩個妹妹真的好cute~~
在香港，其實我好少食MOS的。但是由於今天出發的時間太早，而車站附近又找不到其他咖啡店，所以才簡單的食了這個早餐，盛惠320円。
相比起島根，我覺得鳥取的交通指示比較不清楚。我今日的目的地係鳥取砂丘。
如果你用google map又或者yahoo.jp 路線search的話，係search唔到點轉車的。刨文後知道係要搭麒麟獅子的巴士由鳥取駅去鳥取砂丘。車費為370円。
去麒麟獅子巴士的官網，頭車9:10由鳥取駅開。食過早餐後，就去等頭車了。
去到見到下圖呢個牌。呢架車在星期六日及紅日的時間係唔同的，留意呀~
點解我話唔清楚? 因為我去到車站，果度其實有好多100円巴士不停埋同一個站。而目的地及車號，可能係我自己的關係，我只在車頭見到，即係話當你低下頭望電話相機，可能係綁緊鞋帶時，巴士埋站，你就要去望清楚問清楚先好上車，唔係你會浪費左D時間啦~
不過都唔駛驚既~以我所見，去鳥取砂丘的巴士有兩個特徵:
- 車沒有100円標示
- 架車醜樣D
我就係跳上了下面架巴士啦。
 |
| 呢間Mc Donald 係我離開廣島後呢幾日見到的第一間~ |
 |
| 約半個鐘，就見到個砂丘同呢D手信店。 |
 |
| 因為鳥取砂丘離砂丘博物館要行上山的，所以當地有呢個吊車作交通工具。但我又覺得去旅行應該咩都睇多D，差少少腳程慢慢几住影相幾好呀~所以我沒有試呢個吊車。 |
一落車，入砂丘前就會見到呢舊石。
第一步踏進砂丘，個感覺只覺得自己入左個沙灘，完全無特別的感覺。
好，入去見到呢個全境圖。吸引到我眼球的，係右上角那小小的notice。
嘩嘩嘩!對我呢個去旅行外出完全唔用internet的人，見到Wi-fi，即係又有得打咭啦! 喂~今次打咭地點係鳥取砂丘喎~ 無野，型囉! 晒下命都要架啦，我最鐘意做啲無咩身邊朋友做過的事~哈哈~
再行入去。我又有那種見到不懂形容的那震撼。呢度...好大，好空曠，好曬，好大風。無錯，呢度只有一款顏色，但鳥取砂丘同一般沙灘不同之處係佢隔離就係日本海。
即係，在這裡，我見到的是: 藍天，白雲，一望無際的大海，還能聽到海浪聲。
喂，咁同海灘又有咩分別呢?當然唔係有定無比堅尼啦。
呢度比一般沙灘大好多，有D孤獨的樹。呢度的沙丘真係高過一個人的，行上去的時候，你唔好話唔吃力! D沙好食力的。[唔好意思，我真係唔識影相，影唔到佢有幾高!]
仲有，我建議一大朝早來。原因係:
- 太陽伯伯未在頭頂，無咁晒
- 呢度其中一樣出名的是沙上的風紋。大早未太多人，你還有機會見到未有鞋印的風紋。那裡的風紋好靚的。
- 未有旅行團到，無咁多人喧嘩。
 |
| 呢D沙呢比其他的硬，我企左係果度研究左好耐，唔明白。 當我行上去，佢會即刻碎左，但又唔係即刻變返做沙喎....唔明白。 |
 |
| 風紋 |
 |
| 高高的砂丘 |
 |
| 呢度其實在砂丘上的。呢個位就像平時在崖邊看海一樣。並不是沙漠感覺呀~ |
 |
| 小時候認識的太陽伯伯就是一個圓形上面好多尖尖出黎，就係咁囉~ 呢幅係背住個海影返轉頭的。所以見山。 |
不過當天有好多小朋友排緊騎駱駝，我唔同佢地爭啦~
 |
| 呢度真係好大.....果D一點點係人來的! |
離開砂丘，向砂の美術館進發。
待續~
沒有留言:
張貼留言