由鳥取砂丘步行往砂の美術館約10分鐘。
砂の美術館係全世界第一個用沙作材料做的展覽館，用的沙全部來自鳥取砂丘。
美術館每年用唔同的主題，所以每年大約1月至4月中會休館，來自世界各地的專家會到館中設計和用沙堆出他們的展品。
而我今次睇的，是美術館的第7次展覽，主題係俄羅斯。
美術館其實好細，如果你沒有看展覽的習慣，去到展品只是到此一遊影一影相的話，的確，15分鐘就行完了。但當你仔細的欣賞展品的話，都可以個幾鐘的!入埸600円，少少貴啦，但我又覺得值得喎。習慣上，為專重展覽，不放太多相，請見諒。
 |
| 門口就已經開始有展品，在想，它只是用水堆砌出來，前幾天打風佢都唔散，咁犀利!~ |
 |
| 與展品的距離的確好近，真係好有衝動去用手摸下，不過我係乖旅人，無摸到。 |
 |
| 如何堆沙 |
 |
| 呢間屋，其實我zoom到好近影的。 |
 |
| 這個池也是用沙堆的。 |
 |
| 真係好靚... |
出了美術館，行前少少見到呢個幸せの鐘。說明書上寫著:
面向鳥取砂丘，誠心想著自己的願望，輕輕敲鐘一下。
當然，我都有試啦~希望我的願望能夠實現^^
搭上11:20那班巴士回鳥取駅，去酒店攞返個行李，終於，買第一堆手信了。
因為之前幾晚都要換酒店，忍手忍得好苦啊!
就這樣離開鳥取了。這裡的確有很多值得去的景點，我會再來的。
走上了12:54經姫路去新大阪的JR。前半part無pass包，後半pass用埋last一日的柯南pass。
上車前，緊係要買呢個行程的另一期待: 蟹柳火車便當 (1010円)!
[小插曲]我因為好期待呢個便當，那是間小店，就在鳥取駅入面，鳥取駅好細，你會搵到的了。去買便當的時間緊迫，仲要去到得返1個，前面仲要有個姨姨，因為日本人做野太太周到，太太合禮儀，即係...好慢啦.....我差D在姨姨未行開就衝左埋佢比錢...好尷尬。
 |
| 鳥取，漫畫王國，I will be back~ |
 |
| 呢個就係那期待的便當了~ |
 |
開了包裝後還是包裝...
日本人真的好注重包裝。 |
 |
男士一定唔飽的
入面見到全是蟹腳絲，配上薑飯同梅乾絲，真係好好味道!! |
由鳥取駅經姫路去新大阪，本來打算坐兩個鐘先到姫路，不如出姫路行個圈，行李鎖Locker，但係，我想講....JR太好瞓了。被查票後醒一醒，又再瞓，好快就到左新大阪了。
到了新大阪，惡夢到了。我最怕的市區車站啊!
我今晚係住ホテルビスタプレミオ 堂島，位置係近北新地站。
地圖上10分鐘的路程，我拖住行李行了20分鐘。因為....太多人了。
酒店就在呢間拉麵店轉彎。去酒店放下行李，出梅田行了圈，都係果句，太多人了...比起我先幾天去的地方，真的差太遠了。在人多的地方有點不舒服的感覺。決定去百貨公司市場買晚餐回酒店睇住電視休息下吧。
回到酒店，打開電視。不談政治，不加什麼意見。
2014年，香港發生的這件大事。我在日本的這幾天，除了FB post ，每晚新聞也會報導，甚至有專題報導。
一邊睇新聞，一邊開餐。
呢餐雖然說是超市買，但也要5710円，仲要搵左好耐先搵到果板海膽同埋個刺身!
 |
| 好似反沙竽，點上了糖的蕃薯/南瓜 (在超市試食後就買了) |
 |
| 蟹壽司 |
今晚，分享一下我的手信啦~
首先，我的最愛: 呼吸朱古力。每次到關西我都買一堆，今次都唔例外啦~790円一包~
佢係有果仁的朱古力，外邊有朱古力粉。味道呢，因為有朱古力粉的關係，不太甜的。
- 紅色是咖啡味，也是我最鍾意的。
- 綠色係綠茶味
- 藍色係tiramisu味，係，香港都買到，不過呼吸的無咁甜的。
- 細包那包係老板送我的^^
下面就係其他的お土產了。
- 梨 <鳥取特產，我平日唔會買生果回港，因為懶攞。今次，因為試食後發現，呢個梨真的超甜!
- 梨味Jelly<買黎送禮
- 鳥取砂丘造型擺設<也是送禮，仲有好多造型，如柯南，Hello Kitty
- 貓頭鷹杯同吉祥仔仔們
- 仲有D零食咁啦
快速總結 Day 5:
| 住宿: | ホテルビスタプレミオ 堂島 |
| | | |
| 使用pass: | 廣島&宮島5天柯南pass - 關西空港版 | |
| | |
| 行程: | 鳥取駅 > 鳥取砂丘 > 砂の美術館 > 鳥取駅 > 姫路 > |
| 新大阪 > 大阪 > ホテルビスタプレミオ 堂島 | |
| | | |
| 交通使用: | 鳥取駅 > 鳥取砂丘 | 麒麟巴士 |
| 鳥取砂丘 > 砂の美術館 | 步行 |
| 砂の美術館 > 鳥取駅 | 麒麟巴士 |
| 鳥取駅 > 姫路 > 新大阪 | JR |
| 新大阪 > 大阪 | JR |
| 大阪 > ホテルビスタプレミオ 堂島 | 步行 |
| | | |
| 食: | 早 | MOS set | |
| 午 | 蟹柳便當 + 柚子果汁 | |
| 晚 | 海膽 + 刺身三款 + 糖蕃薯 + 蟹壽司 + 蘋果汁 |
| | | |
| 山元素: | 買 | 山山山山山 | |
| 食 | 山山山山山 | |
| 住 | 山山山山山 | |
| 景 | 山山山山山 | |
| 玩 | 山山山山山 | |
By
山
