箕面.....咩地方? 點解會選這裡呢?
因為我好鍾意睇大自然的自然美。而且我又唔鐘意多人的景點，睇紅葉又想去D又多又靚又合時又唔多人的地方，仲要電車可以到達，新手吧，不敢太難呀。
刨刨下文，睇睇下，就被那在箕面公園的瀑布吸引著了。
所以就決定加入景點的一部份了。
箕面是大阪市入面以北的一個地方。那裡有一個箕面公園，係大阪一個比較近市區的一個郊外地方。
由於阪急電車能到達，所以交通極為方便。以我今次在難波出發，坐大阪市営御堂筋線(千里中央行)去梅田，再轉阪急宝塚線急行(宝塚行)(急行)去石橋（大阪），再換阪急箕面線(箕面行)(各停)到箕面駅。全程約45分鐘左右，全程490円。
到達車站，因為人不多，又遠離市區，一出車站，秋意極濃。
我們沿著卡通示意圖去尋紅葉同瀑布了~
未見有紅葉前，我們沿著一條好有簡樸日本風的路，有小店賣手信，突然秋風下傳來一陣陣香味，也是秋天特有的 - 炒栗子味!
我們被炒栗子的香味吸引著，立即跑去看個究竟。點解咁想知?因為我地見到前方遠處好大煙，一直幻想著是否像是香港的炒栗子的方法炒呢!?
终於見到啦，原來有一部好似火車頭的炒栗子機! 佢炒完把部機尾部放直就會像火車頭噴煙的了! 我們就像看了一場炒栗子表演，亦買了一包嚐嚐。這時，我發現了第二個驚喜了: 那些栗子，每粒都超大粒，唔....有半隻蛋那麼大，仲要好甜。就這樣，我們吃過栗子後就繼續行了。
雖然沿路大部分的紅葉都也未變色，但有一些長的較高的，可能比較感受到溫差，所以我地一直見到有火紅，有橙的葉。而山路也比較平坦，所以行下影下的時侯，好快就聽到潺潺流水聲了，係咪到了呢?
因為秋天的關係，水量不多，未有感覺到澎湃的感覺。但是，以未有親身見過瀑布的我，已經非常滿足的拿著相機不停影了。
日本人的確厲害，他們的那紅橋相當百塔，令整個畫面有著 "調味"的感覺，令成幅相美極了。
欣賞完美景，去醫肚了。
因為D栗子的確係幾飽肚的，我地無在瀑布附近的餐廳坐下慢慢食，只買了些小食，就慢慢落山去天神橋出發了。
待續
