期待了一陣子的關西之旅終於都來了!
這是我第一次全部一手一腳計劃的。我自己本身是一個都幾chur的人，比左錢去旅行，當然把握著每分每秒去玩盡佢啦^^
同行的興趣為睇日本歷史事物，以及一日食5餐。
而我就鍾意美景，為慳時間，對食可以好簡單，但對target左的餐廳，點都會去一試!
當兩個不同的人去旅行時，行程的安排的確是一件不容易的事!
由於是次以睇紅葉為主，所以日子地點全部都在刨文後選擇出來的。
為了慳時間，我地放工立即回家攞行理，然後坐CX的零晨機，於早上六時左右到達。
第一次到關西空港，立即去搵890円的南海電鐵車站啦! 買了車票，一直搭到難波駅落車，車程約1小時。搭完零晨機，朋友選擇搭這"長途車"時把握時間瞓一瞓啦，而我就一直欣賞窗外景色~
我地上的是特急列車，會停的車站較少，所以架車比較多人，話晒都係星期五的一個上班的時間呀! 話咁快就已經到難波駅了。
 |
| 空港行去車站途中，已經見到D樹開始變紅了~ |
由南海難波駅行去なんば駅地鐵站的出口都真係搵左一陣。
我地今次4晚都係住Vista Grand Osaka Hotel，選擇這裡係因為去專業旅運問價時個agent 介紹的，地點在道頓堀附近，又比較新，所以就揀呢度啦。由車站行去酒店，大約15分鐘就到了，油店就在蟹道樂後面，好易搵。於酒店放下行李就立即出發!
由於在酒店放完行李，時間也只是8點，聽說去魚市場要襯早去，所以今日的第一站係去黑門市場~
因為酒店位置在日本橋同なんば駅中間，我地決定慢慢行過去。
由酒店行去日本橋駅只是5-6分鐘路程，黑門市場就在日本橋駅旁。
黑門市場就像是日本人街市的一條步行街。可惜，我地太早了，很多店舖也沒有開門。
 |
| 呢度，個人認為真係好貴的紅豆沙 |
第二站係大阪城。我地在なんば駅買了no-my-car-day pass，坐車到森ノ宮站。於森ノ宮站行10分鐘左右就到大阪城天守閣了。在大阪城公園的確好舒服。地方好乾淨，也裊寧靜。遠處已看見城頂了。雖然要行的樓梯有一點辛苦，但行到上去見到咁靚的風景，值得的~
 |
| 很有秋天感覺的公園 |
 |
| 沿途不難被它們吸引~ |
愈近天守閣，就愈來愈多人了。有旅行團，也有學生們。我們的pass可以有優惠價上天守閣。
我們上去行了一會。我們連以前的人如何起城的video也看了一篇!
於天守閣，當然不少特在高處欣賞大阪市吧!
睇完大阪城的歷史，我們沿著城後的路去大阪ビジネスパーク搭車返なんば了。
原來大阪城後面的路，兩旁種了銀杏樹!又一秋天感覺，好舒服啊!
第一次見到日本的城堡，它的宏偉的確非常吸引我!去車站途中也忍唔住不斷回頭影這城堡。
 |
| BYE BYE~ |
食過拉麵，我們也食了普通章魚丸同蝦餅夾章魚丸。
章魚丸就...馬馬夫夫吧...
蝦餅夾章魚丸，比較特別。它是用我地細個食的蝦餅，加D米通碎，再夾住粒章魚丸。唔....叫做試過下啦...
因為大家開始攰了，所以我地早D食晚餐。
我地去左食蟹道樂去豪一餐!店入面的嬸嬸個個著住和服招待我們，我們就好像貴賓一樣。而且我呢個蟹痴，見到全餐蟹真的太開心了，基本上一上菜我就已經急不及代食了，所以無咩相睇。呢度真係好PRO...用佢地食蟹專用的工具，真係超方便!
印象最深刻係個綠茶雪糕。佢係一個雲呢嗱雪糕，一個嬸嬸在面前用茶道用具把綠茶慢慢調入去。呢個雪糕苦中帶甜，令人一試難忘。
 |
| 筷子托，好可愛~ |
 |
| 蟹湯 |
 |
| 蟹腳刺身 |
 |
| 蟹壽司 |
 |
| 燒蟹~ |
 |
| 非一般的綠茶雪糕 |
食完飯只是晚上8:00，在心斎橋地標影一影相後，還是早點回酒店休息。
繼續
沒有留言:
張貼留言