上回講到我去搭左架慢車。
我坐的是兩間對頭位的那種。當車快開車時，有個好有大陸同胞feel的男人同佢老婆上了車。
點解咁講?因為佢地一上車就大聲說話，而且個男人隻耳仔仲要損晒出緊自，衣著也老老土土的。那時，我還默默念:唔好過黎唔好過黎，佢地行過左，我心諗:好彩。點知，車開了後，佢地返轉頭坐了在我旁邊同對面-_-
我打算戴起earphone同攞野出黎睇唔理佢就的啦，點知...佢地突然問我: 我地講野有無嘈親你呀?
突然間，我又覺得佢地日本人返! 試問你在香港見到果D討厭乞人憎嘈住人的人，會唔會有咁問你?
我答佢地我唔識日文，佢地就開始同我傾計啦。當然，佢地係不斷用日文啦。佢地知我只懂簡單的日文，所以不斷諗辦法令我明白他們想講咩。
個太太解釋佢老公D修係因為昨日剛唔少心跌到，唔你因為打交，叫我唔駛驚。<<OMG...我個樣果時一定比佢feel到我驚了。
他們是一對住松江50-60歳的夫婦，有一個仔，個仔做醫生的，現在在美國，佢地去過美國一次。講講下，個男人想知時間，佢老婆就在她手袋攞左個鬧鐘出黎。
佢地見我笑得咁犀利，打算送左個鐘比我。我就影影算了。
佢地在松江下車，想捉埋我落車上佢地屋企食飯~~話好開心同我呢個咁得意的小妹妹傾咁耐計~
佢地落車後，我仲要搭多幾個站去米子。到米子時已14:20了。
因為唔想miss去
とっとり花回廊的車，唔周圍走了，坐下看看路人做什麼~
等車時見到有團體玩緊盲人體驗。
免費車上全部都係上左年紀的人。我全車去到呢個全日本最大的花卉公園。因為趕尾車，我一定要有計劃地行呢度。望過地圖，令我最想去的就是左上角的那個花の丘。
園外已有Halloween 的裝飾了。
登登~一入門口就見到咁既景啦! 據說這大山也被稱為日本中國的富士山，要影佢其實不容易，因為它成山被雲遮住的。
聲明一點，我不懂影相不懂執相，用的也只是平民傻瓜機。但自問，在這裡拍出的相也OK吧~~即係咁，天氣好，風景靚，心情好，拍咩都靚~唔係咩?
本身我自己無特別鐘意花，也很少對7彩的東西有興趣。但在這裡，我投降了。
 |
| 還有室內的 |
 |
| 來到這山頭，文字，相片已不能表達我那刻感動的感覺了。 自己來一轉吧! |
 |
| 園內館同館間路的連接也設計得吸引到我在怒影。 |
 |
| 太陽開始落山了，因為我不懂影唔反光的相，miss 左好多美景影唔到。 |
 |
烏取出名係梨~梗係要食個雪糕啦~
好味道~ |
搭尾班車回去了，去食晚餐了。
 |
| 夕陽跟我說再見~ |
好，雖然時間有d早，但黎到今次旅程的重頭戲~
6000円一人前的蟹餐
去的就是呢間太平記。一間一啲都唔似會有蟹料理的平民居酒屋。
[佢店外咩都無寫，我當時真係有d唔想入去的，但我無理由問都唔問我就走姐，硬住頭皮，用簡單日語問左，有，正，食]
店內的確好簡單的格局。應該是做熟客生意的小店吧。一進店內，有個嬸嬸把餐牌遞上，我沒有看過一眼，就叫了那一人餐了。
店員不懂英語，見我一個女仔到要食個餐，問左我3次係咪清楚有5個料理要食。我堅持我堅持!
上菜了~
 |
| 蟹膏です |
 |
| 蟹腳刺身です |
嬸嬸可能嫌我食得太慢，不時來協助我 "食"。
 |
蟹焼きです
當然佢唔只咁少啦 |
 |
| sabusabu with 蟹です |
當我好飽好飽未估到仲有一個係咩料理的時候，佢就上菜了。
 |
| 最後、蟹粥です |
嗚呀~~~條腰即刻粗兩吋，好好味，十分滿足!
走的時候，店員也很奇怪點解一個香港女仔懂去佢地那裡食呢個餐~嘿嘿!唔知呢~
捧住個肚由太平記回米子車站，有野睇~來咁多次日本，終於睇到一次街頭表演啦，都幾好聽架!
天黑，要回程了，迎接明天的最愛の日。
 |
| 原來有個站叫荒島~ |
本來打算去一去水燈路，但食飽飽後已經差唔多20:00啦，趕唔切睇啦。
經過information center，原來佢會寫出每天的日落時間，可想而知，呢度個日落幾出名先得~
快速總結 Day 3:
| 住宿: | 松江アーバンホテル |
| | | |
| 使用pass: | JR-WEST RAIL PASS ( San' in & Okayama Area Pass) | |
| 縁結びパーフェクトチケっト | |
| | | |
| 行程: | 松江駅 > 八重垣神社 > 松江駅 > 出雲市 > 出雲大社 > 出雲市 > |
| 米子駅 >とっとり花回廊 > 米子駅 > 太平記 > 米子駅 > 松江駅 |
| | | |
| 交通使用: | 松江駅 > 八重垣神社 | 一畑巴士 |
| 八重垣神社 > 松江駅 | 一畑巴士 |
| 松江駅 > 出雲市 | JR |
| 出雲市 > 出雲大社 | 一畑電鐵 |
| 出雲大社 > 出雲市 | 一畑電鐵 |
| 出雲市 > 米子駅 | JR |
| 米子駅 >とっとり花回廊 | 免費巴士 |
| とっとり花回廊 > 米子駅 | 免費巴士 |
| 米子駅 > 太平記 | 步行 |
| 太平記 > 米子駅 | 步行 |
| 米子駅 > 松江駅 | JR |
| | | |
| 食: | 早 | 便利店飯團 + 咖啡 | |
| 午 | 糖蕃薯 + 超大蟹餅 + 蘋果茶 | |
| 晚 | 蟹料理 | |
| | | |
| 山元素: | 買 | | |
| 食 | 山山山山山 | |
| 住 | 山山山 | |
| 景 | 山山山山山 | |
| 玩 | 山山 | |
|
|
By 山
