[2014 日遊 山陽‧山陰 6日5夜] Day 2 広島

原本安排的行程

• 広島花宿
• 0900広島駅>広島美術館>広島城
• 1452広島駅
• 1527岡山駅
• 1839松江駅
• 松江アーバンホテル

一早起左身，查探第一班車同船去宮島一轉，睇唔到個日落，起碼都去睇過個水中鳥居同食到個廣島蠔吧!

打風後，天朗氣清，但有少少涼。我大愛的秋天感覺~

往車站去，於站旁食個朱古力包加杯咖啡，開始一日的行程~

其實，沿路已聽到一直廣播著，用自己有限的聽解力，已估到D啦，再加自己有限的閱讀能力，其實已更confirm JR去唔到宮島。但抱住: "去旅行，你唔行多步就唔知幾時再有機會"的精神，用有限的日語同車站職員查問，係啦，估中了，台風後列車訊號有問題，去宮島列車受阻，未知能幾時開出。

其實去宮島係有好多個方法，我堅持搭JR，只因為我pass包同唔包的分別。

最後，因為考慮到唔想太夜到松江，我決定放棄官島，那我有藉口去多次廣島啦~

不得不讃山陽山陰的旅遊局，他們把遊客觀光的資料都處理得整整齊齊，在官網已清楚搵到所需資料。(有關連結)

下面圖片取自官網。柯南pass的任務不能完成，但也要好好用呢個pass呀~所以我決定呢個上午去美術館，広島城同原爆ドーム。

上巴士出發，真係有D唔慣落車先比錢，不過，我都係show pass 姐~~

巴士有小學校巴感覺

巴士站旁就係美術館了。入場睇展覽要另加錢，所以在外面行行算了。不過，日本的美術館的確另人有種舒服的感覺，高高的樓底，自然光直接打入室內，配合著柔和的古典音樂。有時間，就咁坐在哪看書，應該可以消磨一日。
[幻想自己是一個又靚又高又瘦骨架細的女子，著住恤衫西褲高跟鞋，好有自信咁在美術館行，型呀!]

於美術館到此一遊後，行去廣島城。一個巴士站的距離，步行需要15分鐘。
在香港，我真係睬你都傻。
但當我外出，沒太多人同車，條路又唔係好窄，享受住好天氣，聽住自己愛的歌曲，漫步於這秋天的空氣中。

今天廣島天氣 - 晴

廣島城本來係柯南pass最後一站，所以pass已包入場費。這是我去過第一個不是白色的日本城堡。

因為廣島城以前都會有外敵進攻，呢個洞就係用來掉石落去，令下面攻緊城的士兵受傷。

廣島城入面，有個位解釋呢度點起的。
我在這area乖乖的坐下玩了3,4 個字~~

去城堡，當然要去天守閣睇晒全個市啦~如其他日本城堡，一定有一條護城河。

當然唔少得吸返個印仔啦~

離開廣島城，以步行的方式去原爆ドーム，平和紀念公園同原爆博物館。

我昨日就在這裡，大風大雨下睇天氣~

捐左入地下街，商店已開始有Halloween的裝飾啦~ 

再次讚下廣島真的好為遊客設想，指示相當清楚。

清楚還清楚，美不美觀就自行決定了。
的確，以港鐵大型廣告模式的出口指示，我第一次見。

從地下街捐返出地面，慢慢的行去目的地。

由於自己技能關係，閱讀過的所有歷史也只有少許記憶。(勿插，我只是真的記憶力同理解力奇差而已)
對這裡的記憶為: 打仗 > 美國向廣島及長崎投下了原子彈 > 城市建築物化灰，大量人死亡 > 日軍投降
歷史的記憶麻麻，但科學告訴我核爆後對環境，對人，對所有野的影響我還是知道的。
不知道這記憶從何來，也不知是否在夢中，但印象最深係: 有人化了灰，牆上只剩下一個人影。
什至有人告訴我，覺得廣島的人樣子是比較奇怪。

去到原爆ドーム，在附近，不知為什麼，整個 "気持ち" 變得 "真面目"。

見到這石，有點心寒。那個 "慰" 字，多次誤見成 "怨" 字。。。

呢個就係原爆ドーム，世界遺產。廣島食左個原子彈後，能保留得最多，被破壞最少的建築物。呢度係我在這旅程中見到最多西方遊客的地方。遠遠的望住它，它彷彿在告訴你多年前它經歷過的一切。

沿住呢條河過去，就會見到原爆博物館。

館前有塊大空地。

當我在空地行過去時，突然聽到一聲: かわいい，望過去~ 原來有個叔叔帶住隻柴犬比兩個姐姐撩~~幾時都話有隻可愛的狗仔係可以增加撩到女仔的機會~

入左館，我無影相。"真面目" 的 "気持ち 再次出現。不能說是體驗 (也不想有這恐怖的體驗吧)，但入面的所有展品，裝飾再加上文字的描述，好容易感覺到當時那些平民的驚慌，恐懼，痛苦。當然，另我感受最深的，是親眼見到我那不知道在哪裡有的記憶 - 那牆上的人影。

離開沉重的展館，外面有本Dialogue notebook。
願    世界和平。

那兒還有這張~

中午了，時間差不多，搭巴士返広島駅再去広島花宿攞返個行李，離開廣島去島根那邊了~

離開広島去岡山乘搭的是這列車，坐自由席，也是柯南pass包的。

因為去到中午時間 (12:15)，我要到岡山才可再買便當上車，所以買少少野食左先。

去到岡山 (13:05)。今趟沒有把這裡列入，下次啦~
今次在岡山有兩個任務:

1. 換JR-WEST RAIL PASS ( San' in & Okayama Area Pass) 
2. 買lunch 上車食。

我就是在這裡搵食~

每一個車卡也會寫下佢係幾點邊架廾係自由席定指定席。我今次就係坐やくも往出雲市的那班車了。

上左車，時間已經到了14:05。好~開餐~1100yen的雜錦魚生粒飯。在日本真的求其一處的魚生也好好食~~

佢知你唔係即刻食，會有包冰放在上面。

沿途風景優美。

16:38，到達島根的松江。由広島到島根共4個幾鐘的車程，我又覺得比搭飛機易過喎~

到了松江，見到我Target的貓頭鷹杯，即刻撲去買。星巴克的教育真的好好。店員要好好的包起隻Mug，知我要等，就用tasting cup倒了杯我愛的Guatemala比我。每一次不同的時間，不同的心情飲咖啡，我也會感覺到不同的味道。呢杯Guatemala在這有點寒意的秋天，帶給我一種窩心，溫暖的感覺。
之後，星巴克職員教我去到一畑的這個辨公室。去買我今次旅行的第3張pass - 縁結びパーフェクトチケっト。

秋天日照時間到旁晚已天黑了。安全起見，搵到酒店放下行李，搵完野食同明天的巴士站，早點回去休息了。

呢個就係我個晚餐啦，紀州梅子烏冬。

快速總結 Day 2:

住宿:	松江アーバンホテル
使用pass:	廣島&宮島5天柯南pass - 關西空港版
	JR-WEST RAIL PASS ( San' in & Okayama Area Pass)
行程:	広島駅 > 広島美術館 > 広島城 > 原爆ドーム，平和紀念公園 >
	原爆博物館 > 広島駅 > 岡山駅 > 松江駅
交通使用:	広島駅 > 広島美術館		廣島巴士
	広島美術館 > 広島城		步行
	広島城 > 原爆ドーム/平和紀念公園		步行
	原爆ドーム/平和紀念公園 > 原爆博物館		步行
	原爆博物館 > 広島駅		廣島巴士
	広島駅 > 岡山駅		JR
	岡山駅 > 松江駅		JR
食:	早	朱古力包 + 咖啡
	午	雜錦魚生粒飯
	晚	紀州梅子烏冬
	其他	便利店飯團 + 橙汁
山元素:	買
	食	山山山
	住	山山山
	景	山山山山
	玩	山山

By 山