原本安排的行程
0703 松江駅
0720八重垣神社
1043出雲大社
1451米子駅
1525とっとり花回廊
1710米子駅
1814 松江アーバンホテル
島根，他們稱神話の国，週圍都有他們宣傳的緣結之旅。而我今日的第一站，就是八重垣神社。
在官網已search好要搭咩巴士。
不同的是，我早了出發，到達八重垣神社也只是07:05，連神社也未有人。
今次來這裡，就係要去呢個鏡の池。傳聞那占卜很靈呀~
 |
| 由於未有人，我要自行放下100yen攞占卜紙 |
 |
| 呢張紙看似平平無奇，但它是特別做的水占卜紙呀~ |
 |
| 經過呢條路入去。 |
 |
| 過埋呢條橋 |
 |
| 入面有個說明書 |
 |
| 就在這個池了。 |
占卜好簡單，放張占卜紙去個湖度，在上面放個5円。有兩個結果:
- 個銀沉時張紙離自己的距離來卜緣份距離，愈近，代表你緣份遇到的那人可能就在身邊。
- 個銀沉的時間，愈快沉，代表你緣份好快就來了。
喂! 唔該你呢個時候唔好同我講科學好唔好。咁理性，你就唔會玩占卜啦!
我眼見，的確係有D無沉又或者飄到好遠的......
講真，一朝早在呢個池，陽光沒有真的全部照入，因為個池比個樹林包圍，沿途有風，再加上晨曦的蟬叫聲，還有，這說的是個池，但也像是個死潭......我把我的占卜紙放上了池中，等緊的時候，你都咪話唔驚~~我確信我是錯了時間來~~
 |
| 我的有利方向係南同西，我的是吉啊~ 它沒有飄得遠，我轉頭影完幾張相就唔見左了，我估...應該係沉左啩... |
搭返原本的巴士回松江駅，向出雲大社出發。
 |
| 我搭08:36 益田方向的特急列車[走了呢班車要等半粒鐘先有架慢車! |
 |
| 沿途風景優美........又係呢句~ 呢個就係重點景點之一:宍道湖 |
 |
| 就係搭佢啦 |
 |
| 車入面個排位唔係好似普通列車，好得意，我幾鐘意呢個設計喎~ |
 |
| 姐姐的提醒，就影到呢排鳥居~ 未去到千本烏居，但可以頂住先啦~ |
 |
| 見到呢個大鳥居，應該就到站了 |
 |
| 落車見到呢架車，島根貓列車~ 資料說入面好有求愛氣氛的呀~ |
 |
約10-15分鐘，就行到出雲大社的"入口"鳥居了。
因為時間還早，我沒有行附近的小店，回車站才慢慢行吧~
 |
| 行入出雲大社，以前到過的神社也不少，但行呢條路卻感到異常放鬆，舒服。 |
 |
| 說是神話の国，這裡周圍都是有著各樣的神話故事有關的景物。 |
出雲大社，是日本的其中一個較古老的神社。它特別之處有:
- 日本第一大鳥居牌坊
- 有條重達5噸的巨型注連繩，據說在注連繩下拋個5円上去，硬幣被攝住，那就能帶來好運。不過而家因為太多遊人，所以禁左lu。
- 日本神社有樣野叫無神月，那是有農曆10月11~17日。用我的理解方式及文字表達的話，那就是: 日本每一個神社都有一個神駐場的，衪們一年間都在自己神社工作，聽下到訪人仕的願望，以籤文方式提醒坊客。但在農曆10月這期間，衪們全部會去了出雲大社開會 (可能gathering啦)，所以其他神社在無神月其實無神駐埸，但出雲大社卻在那時候有最多神在。那衪們在相討咩大事呢? 就係世人的姻緣了。所以，在這裡求姻緣據說非常靈驗!
- 日本的神社都係統一為: 二拝（鞠躬）、二拍手、一拝（鞠躬），但出雲大社是維持古法:二拝（鞠躬）、四拍手、一拝（鞠躬）。
 |
| 出雲大社 |
 |
| 就係我口中好大條的繩 |
在這裡，周圍都是兔仔，兔仔應該係果度的吉祥物。かわいい女生一定大好き~
 |
| 好鐘意呢間外表優雅的星巴克。 |
 |
| 對住呢個牌，其實我望左好耐都唔係好知佢係咩，但又好有興趣... |
我當然選我大愛的蟹味吧~就係呢塊...真係唔好意思...因為實在unexpected 的大塊，佢直徑有一隻前臂咁長，我的確沒有能力把它從膠袋攞出黎影完相再放返入去...原諒幅相咁肉酸~
至於味道....正呀~
由於大蟹餅加糖蕃薯，對我黎講真係太多太多啦。所以，今天不能食正經的午餐了。
比原定時間早了，慢慢行去搭車，向下一站出發。
經過川跡時見到又有另一款車。
跟去程一樣，在川跡要轉車回出雲市。今次列車格局又唔同左啦。
待續
By 山
沒有留言:
張貼留言